Çin CentiSpace-1 peyklərini orbitə buraxdı

Çin şirkəti Chinarocket Jielong-3 raketi vasitəsilə 10 ədəd kiçik ölçülü CentiSpace-1 peykini uğurla orbitə buraxıb.

BAKU.WS xəbər verir ki, bu barədə Çin Mərkəzi Televiziyası məlumat yayıb.

Kosmik aparatlar daşıyan raket bu gün, 13 yanvar, Sarı dənizdə yerləşən platformadan start götürüb. Peyklər uğurla Yer ətrafı orbitə çıxarılıb.

Bundan əvvəl Jielong-3 raketi dəniz platformasından 2024-cü ilin sentyabrında və 2023-cü ilin dekabrında buraxılmışdı.

Dörd pilləli bərk yanacaqlı Jielong-3 raketi aşağı Yer orbitinə 1,5 tona qədər yük çatdırma qabiliyyətinə malikdir.