Bu ölkədə "M çiçəyi" virusuna yoluxma qeydə alındı

Afrika ölkəsi olan Namibiyada "M çiçəyi" virusu aşkar edilib.

BAKU.WS xəbər verir ki, Namibiya Səhiyyə və Sosial Xidmətlər Nazirliyinin yaydığı açıqlamada virusun ölkənin qərbində yerləşən Svakopmundda yayıldığı qeyd edilib.

Virusa yoluxan şəxs Svakopmund Xəstəxanasına yerləşdirilib və səhhəti stabil olaraq qalıb.

Bu virus insanlara siçovullardan və ya sincablardan keçir. Paltara, çarpayıya bulaşaraq insan bədənində yayılır.

Əlamətləri 5-21 gün arasında ortaya çıxır. Baş ağrısı, qızdırma, boğazda şişkinlik və su çiçəyinə bənzər qabarcıqlar yaranır.

Xüsusi müalicə metodu olmadığından hələ ki, ona qarşı sadə preparatlardan istifadə edilir.