Bu ölkədə koronavirusdan hər həftə 300 vətəndaş ölür

ABŞ-də koronavirusla bağlı qorxunc statistika açıqlanıb.

BAKU.WS xəbər verir ki, məlumatlara görə, 2020-ci ildən 5 il ötməsinə baxmayaraq hər həftə 300-dən artıq vətəndaş koronavirus səbəbilə həyatını itirir.

Bu barədə ABŞ Xəstəliklərə Nəzarət və Profilaktika Mərkəzi (CDC) məlumat yayıb.

Qeyd edilib ki, bu ilin aprel ayında hər həftə 300-dən artıq şəxs bu virusdan ölüb.

Həkim və professor Qriqori Poland bildirib ki, bu insanların həyatını itirməyi insanların bir çoxunun peyvəndlənməməsi ilə əlaqədardır.

Mütəxəssislər onu da vurğulayıblar ki, COVID-19 pandemiyadan əvvəlki kimi ölümcül deyil, lakin yaşlılar, immuniteti zəifləyən şəxslər və xroniki xəstəlikləri olan insanlar üçün hələ də ciddi təhlükə yaradır.

Onlar virusun xüsusilə yüksək risk qrupları üçün təhlükə yaratmağa davam etdiyini xatırladıblar.