Bu müsəlman ölkəsində qurban kəsimi QADAĞAN EDİLDİ

Mərakeş hökuməti Qurban bayramı ərəfəsində heyvanların satışını və kəsimini dayandırıb. Buna səbəb ölkədə davam edən quraqlıq və heyvan sayının azalmasıdır.

BAKU.WS haber global-a istinadən xəbər verir ki, ölkədə heyvan bazarları bağlanıb. Qurban bayramı ilə bağlı bütün ticarət fəaliyyəti müvəqqəti dayandırılıb. Bəzi bölgələrdə qanunsuz satışlara qarşı nəzarət gücləndirilib.

Məlumatlara görə, son 7 ildə heyvan sayı 38% azalıb. Yağıntı miqdarı da normadan 53% aşağıdır.

Mərakeş Kralı VI Məhəmməd xalqı bu il qurban kəsməməyə çağırıb. O, bu ibadətin xalq adından simvolik şəkildə yerinə yetiriləcəyini bildirib.

Qeyd edək ki, ölkədə əvvəllər də – 1963, 1981 və 1996-cı illərdə – oxşar çağırışlar edilmişdi.