Bu meyvə ekstraktı prostat xərçənginin qarşısını ala bilir

Jabotikaba adlı Braziliya meyvəsinin qabığından alınan ekstrakt, prostat xərçəngi hüceyrələrinin yayılmasının qarşısını alır.

BAKU.WS xəbər verir ki, bu, braziliyalı alimlərin gəldiyi nəticədir.

Tədqiqatçılar jabotikaba qabığı ekstraktının iki növ prostat xərçəngi hüceyrəsinə təsirini araşdırıblar: hormonal terapiyaya həssas olanlar və ona davamlı olanlar...

Ekstraktın davamlı xərçəng hüceyrələrinin miqrasiya etməsi və ətraf toxumalara nüfuz etməsi qabiliyyətini maneə törətdiyi aşkar edilib.

O, həmçinin şiş hüceyrələrini daha da aqressiv edən dəyişiklikləri də maneə törədir.

Meyvənin qabığından alınan maddələr prostat xərçəngi üçün əlavə müalicələrin hazırlanması üçün əsas təşkil edə bilər.

Tədqiqatın nəticələri Food & Function (F&F) jurnalında dərc edilib.