Bayden HƏMAS rəhbərinin öldürülməsinə reaksiya verib

ABŞ prezidenti Co Bayden İsrailin baş naziri Benyamin Netanyahu ilə söhbətində Fələstinin radikal HƏMAS hərəkatının rəhbəri Yəhya Sinvarın öldürülməsini "söhbəti dərinləşdirmək" üçün səbəb adlandırıb.

BAKU.WS xəbər verir ki, bu barədə Axios məlumat yayıb.

Bildirilib ki, Bayden Almaniyaya gedərkən təyyarədən Netanyahuya zəng edərək onu Sinvarı öldürdüyünə görə təbrik edib.

Amerika lideri bu xəbərə reaksiya verib və İsrailin baş nazirini girovların azad edilməsi məsələsində "davam etməyə" çağırıb.