Avstraliyada təyyarə qəzası: PİLOT ÖLDÜ

Avstraliyanın Yeni Cənubi Uels ştatının şimal-qərbində baş verən təyyarə qəzasında pilot həyatını itirib.

BAKU.WS xəbər verir ki, yerli polisin verdiyi məlumata görə, hadisə bu səhər White Cliffs qəsəbəsindəki uçuş zolağında qeydə alınıb. Təxminən saat 07:15 radələrində qəza barədə təcili yardım xidmətlərinə məlumat verilib və əraziyə operativ qruplar cəlb olunub.

Kiçik tipli təyyarənin pilotu hadisə yerində keçinib. Pilotun şəxsiyyəti hələlik rəsmi şəkildə müəyyənləşdirilməyib. İlkin araşdırmalara əsasən, təyyarədə yalnız pilot olub.