Atəşkəsdən sonra Qəzzanın şimalına təqribən 200 min nəfər qayıdıb

Atəşkəsin elan edilməsindən sonra Qəzza zolağının şimalına təxminən 200 min sakin geri dönüb.

BAKU.WS xəbər verir ki, bu barədə "Sky News" telekanalı HƏMAS-ın nəzarətində olan Qəzzadakı Mülki Müdafiə Agentliyinə istinadən məlumat yayıb.

Bildirilib ki, İsrail və HƏMAS arasında əldə olunan atəşkəs razılaşması oktyabrın 10-da İsrail qüvvələrinin Qəzzadan qismən çıxarılmasından sonra qüvvəyə minib.

Razılaşmaya əsasən, tərəflər hərbi əməliyyatları tam dayandırmaq, eləcə də girov və məhbusların mübadiləsinin təhlükəsiz şəkildə həyata keçirilməsini təmin etmək barədə öhdəlik götürüblər.