Aİ Macarıstanı səsvermə hüququndan məhrum etmək istəyir

Avropa İttifaqı Şurası Macarıstanın səsvermə hüququndan məhrum edilməsi məsələsini Avropa İttifaqı Müqaviləsinin 7-ci maddəsi çərçivəsində müzakirə edəcək.

BAKU.WS xəbər verir ki, bu barədə qurumun rəsmi saytına məlumat yerləşdirilib.

Mayın 27-də məsələyə dair səkkizinci dinləmə keçiriləcək.

Qeyd edək ki, Avropa İttifaqının 7-ci maddəsi, üzv ölkənin ittifaqın əsas dəyərlərini sistematik şəkildə pozduğu təqdirdə onun bəzi hüquqlarının, o cümlədən səsvermə hüququnun dayandırılmasını nəzərdə tutur.

Bundan əvvəl Avropa Parlamentinin deputatları Macarıstana maliyyə vəsaitlərinin tam dondurulmasını tələb ediblər.

"Politico" nəşri yazır ki, Aİ Macarıstan, Slovakiya və Rumıniyanın Ukraynaya qarşı birləşəcəyindən narahatdır.