ABŞ Yəmənin Cevf və Səna şəhərlərinə hava hücumu həyata keçirib

Yəməndəki Husilər ABŞ ordusunun paytaxt Səna və Əl-Cevf bölgələrinə beş hava zərbəsi endirdiyini açıqlayıb.

BAKU.WS xəbər verir ki, Husilərə məxsus "Əl-Məsirə" televiziya kanalında yayımlanan xəbərdə ABŞ-nin Cevf vilayətinin "Hab və Şaaf" rayonuna dörd hava hücumu təşkil etdiyi bildirilib.

Paytaxt Səna yaxınlığındakı Həmədən bölgəsinə də bir hava zərbəsi endirildiyi qeyd olunub. Hücumların detalları barədə əlavə məlumat verilməyib.

Qeyd edək ki, Husilər dünən axşam saatlarında ABŞ-nin Səda şəhəri ətrafına da beş hava zərbəsi endirdiyini açıqlamışdı.