21-ci əsrin ən yaxşı müğənnilərinin adları bəlli oldu - SİYAHI

Prestijli "Billboard" jurnalı 21-ci əsrin ən yaxşı sənətçilərinin adlarını açıqlayıb. 23 yaşlı "Grammy" mükafatlı sənətçi Billi Ayliş siyahının ilk pilləsində qərarlaşıb. 

BAKU.WS xarici KİV-ə istinadən siyahıdakı digər müğənnilərin adlarını təqdim edir:

5. Beyli Zimmermen

Siyahının 5-ci pilləsində müğənni Beyli Zimmermen yer alıb. O "Rock and a Hard Place" adlı mahnısı ilə musiqi dünyasına giriş edib. Xüsusilə  Tiktok sosial platformasında ulduzu parıldayan ifaçının "Fall in Love" ,"Rock and a Hard Place" və "Religiously" adlı sevilən hitləri də var.

4. Benson Bun

4-cü yerdə Benson Bun qərarlaşıb. O sənət aləminə "Beautiful Things" adlı sinqlı ilə qədəm qoyub. 22 yaşlı ifaçının kifayət qədər fanat ordusu olduğu bildirilir.

3. Kid LAROI

Ən yaxşı müğənnilər arasında Kid LAROI 3-cü yerdə qərarlaşıb. Onun əsl adı Charlton Kenneth Jeffrey Howarddır. Sənətçi Castin Biber və Mayli Sayrusla oxuduğu duetləri ilə məşhurdur. Onu zirvəyə daşıyan hitləri "Stay" və "Without You" adlı sinqlları olub. 

2. Olivia Rodriqo

2021-ci ildə təqdim etdiyi "Sour" albomu ilə ilkə imza atan ifaçı bu ənənəsinə sadiq qaldı. O 2023-cü ildə də "Guts" adlı albomu ilə ilk pilləllərdə qərarlaşdı. "Drivers License" mahnısı ilə bütün playlistlərdə birinci oldu. 

1. Billi Ayliş

"Billboard" jurnalının ən yaxşı müğənniləri arasında lider Billi Ayliş olub. "When We All Fall Asleep, Where Do We Go?" albomu ilə uzun müddət ilk pillələrdə qərarlaşıb. 23 yaşı olmasına baxmayaq Billi, 2 "Oscar", 9 "Grammy" qazanıb. "What Was I Made For?", "No Time to Die" kimi ifaları sevilərək dinlənilir.  Billi, "Hit Me Hard and Soft" albomu ilə də musiqi platformalarında uzun müddət zirvədə yer alıb.