20 il bir böyrəyi ilə yaşadı, 31 yaşında otelin eyvanından yıxılıb öldü - Liam Peynin həyat hekayəsi
"One Direction" qrupunun keçmiş üzvü Liam Peyn 31 yaşında dünyasını dəyişib. O Argentinada, Buenos Ayresdə qaldığı hotelin 3-cü mərtəbəsindən yıxılaraq ölüb. İfaçının faciəvi şəkildə vəfatı musiqisevərlərini yasa boğub. Liamın qəfil ölümü onun kimliyi və şəxsi həyatı barədə olan bəzi faktları yenidən dünya mətbuatının gündəminə gətirib.
BAKU.WS xarici KİV-ə istinadən sözügedən faktları təqdim edir:
Liam Peyn 1993-cü il avqustun 29-da Vulverhemptonda doğulub. Üç həftə erkən dünyaya gələn Liamın böyrəklərindən sadəcə biri işləyib. Lakin 2012-ci ildə aparılan müayinələr zamanı onun iki böyrəyinin də işlədiyi məlum olub.
Onun Ras və Nikola adlı iki bacısı var. Liam məktəb illərində basketbol yarışlarında iştirak edib. Daha sonra bacısının sevgilisindən güləş dərsləri alıb.
12 yaşında olarkən 39 yaşlı adamla rinqə çıxıb və bu zaman o burnu qıırlıb, qulaq pərdəsi zədələnib.
İfaçı musiqi karyerasına "The X Factor" yarışmasından başlayıb. Həmin vaxt müsabiqədə Nikol Şörzinqerin tövsiyəsi ilə qurulan "One Direction"(Liyam Peyn, Harri Stayls,Zeyn Malik, Nill Horan və Luiz Tomlison) qrupuna qatılıb.
Onların "Up All Night", "Take Me Home", "Grup Midnight Memories", "Made in the A.M" kimi albomları çıxıb. Daha sonra qrup üzvlərindən biri Zeyn Malik ayrılaraq solo karyerasına başlayıb.
Liam Peyn 2016-cı ildən ingilis müğənni və bəstəkar Çeril ilə sevgili idi. 2017-ci ildə cütlüyün Bear adlı bir övladı dünyaya gəlib.
Məşhur sənətçinin Palermo səmtindəki otelin eyvanından yıxılaraq qəfil ölümü fanatlarını sarsıtdı. Dünya mətbuatında yayılan xəbərlərə görə, hadisə yerinə çağırılan təcili yardıma "Narkotik və alkoqolun təsiri altında olan aqressiv adam" qeydi bildirilib.
Oxşar xəbərlər
İlk dəfə 102 yaşında spirtli içki qəbul edib - 106 yaşlı qadının çox yaşamaqla bağlı SİRLƏRİ
Böyük Britaniyadan olan 106 yaşlı qadın uzunömürlülüyünün sirrini açıqlayıb. BAKU.WS xarici KİV-ə istinadən xəbər verir ki, Doroti Yanq adlı 106 yaşlı qadın sağ...