SİZİN REKLAM BURADA!
055 213 76 73


“Türkiyə ilə hava əlaqəsinin dayandırılması Ukrayna Prezidenti Vladimir Zelenskinin Ankara səfəri ilə bağlı deyil”.

BAKU.WS APA-ya istinadən xəbər verir ki, bunu Rusiyanın Türkiyə ilə hava əlaqəsini dayandırmasını şərh edən Kremlin mətbuat katibi Dmitri Peskov bildirib.

"Xeyr. Bu, həyəcanverici epidemioloji vəziyyətlə bağlıdır", deyə Kremlin sözçüsü vurğulayıb.

Qeyd edək ki, Rusiya baş nazirinin müavini Tatyana Qolikova Türkiyədə koronavirusa yoluxma hallarının kəskin artması ilə əlaqədar bu ölkə ilə müntəzəm və çarter uçuşlarının aprelin 15-dən iyunun 1-nə kimi dayandırıldığını açıqlayıb.


****


20.36


Rusiya Türkiyə ilə hava əlaqəsini 1,5 aylıq dayandırmağa qərar verib.

Rusiyanın hava əlaqəsini dayandırmasına səbəb kimi Türkiyədə koronavirusa yoluxma halının artması göstərilib. Bildirilib ki, ilk növbədə Rusiya ilə Türkiyə arasında çarter reysləri dayandırılır .

Operativ Qərargah Rusiyanın sərnişin aviaşirkətlərinə Türkiyənin bütün aeroportlarına uçuş həyata keçirməyi 1,5 aylıq, aprelin 15-dən iyunun1-nə kimi dayandırmaqla bağlı xəbərdarlıq edib.

Mənbə aviareyslərin dayandırılmasının müntəzəm reyslərə aid olub-olmaması ilə bağlı açıqlama verməyib.

Hazırda Türkiyədə olan rusiyalı turistlərin təxliyəsinin olmayacağı, onların planlı şəkildə ölkəyə geri gətiriləcəyi qeyd olunub.

BAKU.WS