Şorbanı içmək mədə problemlərini həll edir? - Həkimdən açıqlama

Endokrinoloq Maksim Kuznetsov mədə problemləri zamanı şorbanın müalicəvi xüsusiyyətləri barədə danışıb.

BAKU.WS xəbər verir ki, o, bu yeməyin qastritin müalicəsində effektiv olub-olmaması ilə bağlı fikirlərini bölüşüb.

"Şorba sadəcə suda bişirilmiş yeməkdir. Onun xüsusi müalicəvi təsiri yoxdur", – deyə həkim bildirib.

Kuznetsovun sözlərinə görə, şorba nə immuniteti gücləndirə, nə də mədə xəstəliklərini sağalda bilər.

Həkim izah edib ki, qastrit əsasən "Helicobacter pylori" adlı bakteriyanın fəaliyyəti nəticəsində yaranır. Bu patogeni orqanizmdən uzaqlaşdırmaq üçün antibiotiklərlə müalicə kursu keçmək lazımdır, sadəcə şorba qəbul etməklə xəstəliyi aradan qaldırmaq mümkün deyil.