Rusiyada miqrantların peyvənd olunması planlaşdırılır

Rusiyanın Liberal Demokrat Partiyası (LDPR) ölkəyə gələn bütün əmək miqrantları üçün meningokok infeksiyasına qarşı məcburi peyvəndin tətbiqini təklif edib.

BAKU.WS xəbər verir ki, bu barədə Dövlət Dumasının deputatı, LDPR lideri Leonid Slutskiy məlumat verib.

Deputatın sözlərinə görə, partiya Rospotrebnadzora rəsmi müraciət ünvanlayaraq peyvəndlərin sərhəddə yerindəcə vurulması təşəbbüsü ilə çıxış edəcək. Təklifə əsasən, peyvənd xərcləri miqrantların özləri tərəfindən ödənilməlidir.