"Nine Senses"də Sağlamlıq Həftəsi çərçivəsində Sağlamlıq Günü keçirildi

Fevralın 7-si "Sea Breeze" ərazisində yerləşən "Nine Senses Art Center"də bərpa, diqqət və şüurluluğa həsr olunmuş unikal birgünlük tədbir - Sağlamlıq Günü keçirilib.

BAKU.WS xəbər verir ki, bu tədbir sağlamlıq praktikalı, incəsənət və "Nine Senses" fəlsəfəsini əhatə edən geniş Sağlamlıq Həftəsinin mühüm tərkib hissəsi olub.

Sağlamlıq Günü bütöv bir bərpa yolu kimi qurulub.

Bu gün sistemli fəaliyyətinin ayrılmaz hissəsi olaraq, 12-14 iyun tarixlərində keçiriləcək böyük illik "Nine Senses Festivalı"na hazırlıq çərçivəsində baş tutub.

"Nine Senses"in akademik direktoru Natalya Jukova əlavə edib ki, bu, festivalın bir növ proloqudur:

"İstəyirik ki, insanlar əvvəlcədən "Nine Senses"in atmosferini, dərinliyini və yanaşmasını hiss etsinlər.

Hər bir iştirakçı bu məkanda tempini yavaşladaraq öz daxili halına fokuslana bilib.

Bu gün "Nine Senses" məkanı dərin praktikalar və özünə diqqət üçün xüsusi bir məkana çevrilib".

Natalya Jukova əlavə edib ki, Sağlamlıq Günü bədənə və diqqətə qayğının birdəfəlik olmadığını xatırlatmaq üçün bir fürsətdir:

"Biz, sadəcə, tədbirlər yox, hallar yaradırıq. Sağlamlıq Günü özümüzə xatırlatmaq üçün bir fürsətdir ki, bədənə və diqqətə qayğı birdəfəlik olmamalıdır. Bu, həyat tərzinin bir hissəsi ola bilər".

Sağlamlıq Gününün proqramına müxtəlif praktikalar daxil idi:

Osteopatiya sahəsində mütəxəssis, "Triniti" adlı unikal sistemin və slavyan praktikalarının yaradıcısı Lev İvanov sağlamlıq, gözəllik və uzunömürlülük mövzusunda master-klaslar, aromaterapiya üzrə mütəxəssis Alyona Veber efir yağları ilə diaqnostika, Yelizaveta Romanova suda aparılan unikal praktikalar və diqqətlə işləmə üzrə seminarları keçirib, Sankt-Peterburqdan olan homeopat və osteopat Yelena Sesyolkina sağlamlıq balansının əsaslarını təqdim edib.

Qarabağdan olan şəfaçı Ahu Musayeva öz təcrübəsini bölüşüb, Nicat Ramazanov həqiqi sağlamlığın açarı kimi nəfəs və qidalanmanın önəmindən bəhs edib.

Oksana Stepenko Çin təbabəti - bədənin həqiqəti danışdığı anları vurğulayıb. Aleksey Mayorov iştirakçıları dərin sakitlik vəziyyətinə aparan axşam səs meditasiyası edib. Bikə Mirqasımova biohakinq barəsində danışıb.

Bütün bu praktikalar bir-birini tamamlayaraq fiziki və emosional səviyyədə bütövlük və yumşaq yenilənmə hissi yaradıb.

Proqramda səs və vibrasiya praktikalarına xüsusi yer ayrılıb. Aleksey Mayorov tərəfindən keçirilən axşam səs meditasiyası iştirakçıların sakitlik və fokuslanma vəziyyətinə daxil olmasına kömək edib. Səs, sadəcə, fon deyil, hər bir insanın daxili halı ilə işləyən bir alətə çevrilib və təbii bərpa proseslərini aktivləşdirib.

Natalya Jukova vurğulayıb ki, səs çox dəqiq bir alətdir:

"O, rasional düşüncəni ötüb, birbaşa hal ilə işləyir. Məhz buna görə səs praktikaları "Nine Senses" fəlsəfəsində mühüm yer tutur".

Sağlamlıq Həftəsi çərçivəsində aşağıdakı mütəxəssislər fərdi praktikalarını davam etdirəcəklər:

Lev İvanov

Yelena Sesyolkina

Aleksey Mayorov

Alyona Veber

Fərdi praktikalar üçün qeydiyyat həftə ərzində mümkündür.

Bunun üçün "Nine Senses"in sosial şəbəkə səhifələrinə yazmaq kifayətdir.

"Nine Senses" mərkəzi bədən praktikalarını, incəsənəti və şüurlu istirahət mədəniyyətini vahid ekosistemdə birləşdirən yeni formatlı "art" və "wellness" mərkəzidir. Mərkəz təkcə fiziki sağlamlıq deyil, həm də daxili balans, diqqət və məna axtaran müasir insan üçün yaradılıb. "Nine Senses"də bərpa həyatın təbii bir hissəsinə çevrilir.

"Nine Senses Fest" bədən və diqqətlə işləmə praktikalarını, incəsənət istiqamətlərini və şüurlu istirahəti bir araya gətirən illik yay tədbiridir.

Bu, sağlamlıq, harmoniya və şüurlu mövcudluq atmosferinə çoxgünlük bir səyahətdir.

Qalereya