Kompüteri gecə və ya evdən çıxanda söndürmək vacibdirmi?

Kompüterləri gecə və ya evdən çıxarkən söndürmək barədə mübahisələr uzun illərdir davam edir. Müasir texnologiyalar - SSD yaddaşlar, enerjiyə qənaət edən prosessorlar və ağıllı əməliyyat sistemləri bu ehtiyacı azaldıb.

BAKU.WS rambler-ə istinadən xəbər verir ki, əgər kompüter bir neçə saat ərzində istifadə olunmayacaqsa, sadəcə yuxu və ya hibernasiya (dərin yuxu) rejiminə keçirmək kifayət edir. Bu zaman cihaz enerjiyə qənaət edir və işə daha tez qayıtmaq mümkün olur. Xüsusilə noutbuklar üçün bu rejim vacibdir, çünki batareya tam boşaldıqda yaddaşdakı məlumatlar itə bilər.

Stasionar kompüterləri isə gecə boş yerə işlətmək enerji sərfiyyatını artırır və elektrik xərclərini çoxaldır. Bundan başqa, toz yığılması və soyutma sisteminin daha tez köhnəlməsi kimi problemlər də yarana bilər.

İstifadəçilərə tövsiyə olunur ki, kompüteri uzun müddət istifadə etməyəcəkləri hallarda tam söndürsünlər, qısa fasilələrdə isə yuxu rejimindən istifadə etsinlər.