055 213 76 73
Azərbaycanın İtaliyadakı Səfirliyi bu ölkədəki Azərbaycan vətəndaşlarına müraciət edib.
BAKU.WS xəbər verir ki, müraciətdə 17 mart 2020-ci il tarixində saat 20:00-da Roma şəhərinin Fiumicino hava limanından Bakı şəhəri Heydər Əliyev Beynəlxalq Aeroportuna AHY4231 nömrəli birbaşa çarter reysinin həyata keçirilməsinin nəzərdə tutulduğu bildirilir.
“İtaliyadakı epidemioloji vəziyyət ilə əlaqədar İtaliyadan Azərbaycana qayıtmaq istəyi ilə Səfirliyə müraciət edərək qeydiyyatdan keçmiş Azərbaycan Respublikası vətəndaşlarının saat 16:00-dan etibarən Fiumicino hava limanının 3-cü terminalında 326-327-328 saylı qeydiyyat masalarına yaxınlaşmaları və növbə gözləyərkən öz aralarında bir metrlik təhlükəsizlik məsafəsinə riayət etmələri xahiş olunur”.
Zərurət yaranacağı təqdirdə vətəndaşlardan səfirliyin aşağıdakı nömrələri ilə əlaqə saxlamaları rica olunur.
Telefon nömrəsi: 06 85305557, Qaynar xətt: 349 8155582.
İtaliyada oxuyan azərbaycanlı tələbələr Vətənə təxliyə edilmələri üçün təşkil olunan çarter reyslərə görə Azərbaycan rəhbərliyinə təşəkkür ediblər.
Təxliyə olunan Azərbaycan vətəndaşları xüsusi geyimlə təchiz olunublar.