055 213 76 73
BAKU.WS Xəzər TV-yə istinadən xəbər verir ki, iqtisadiyyat, kənd təsərrüfatı və tibbi sığorta üzrə yeni hədəflər nəzərdə tutulur. Bütün modellər indiyədək həyata keçirilən islahatların davamı olaraq tətbiq ediləcək.
Azərbaycan 3 mühüm sahə üzrə yeni sosial-iqtisadi modelə keçir.
İqtisadçı ekspert Vüqar Bayramov bildirib ki, yeni sosial- iqtisadi model insan kapitalının inkişaf etdirilməsini, özəlləşdirmə və dövlət mülkiyyətində olan müəssisələrlə bağlı islahataların həyata keçirilməsini, əlverişli biznes mühitinin inkişaf etdirilməsini nəzərdə tutur.
Vüqar Bayramovun sözlərinə görə, yeni sosial-iqtisadi model bugündək yaradılmış baza əsasında, həyata keçirilən islahatların davamı olaraq tətbiq edilir.
Vüqar Bayramov qeyd edib ki, yeni modelin tətbiq ediləcəyi ikinci əsas sahə kənd təsərrüfatıdır.
Ekspertin sözlərinə görə, məqsəd ərzaq təhlükəsizliyinin təmin edilməsi üçün institusional potensialın gücləndirilməsi, aqrar sahə üzrə dövlət tənzimlənməsinin effektivliyinin yüksəldilməsi, biznes mühitinin təkmilləşdirilməsi, kənd təssərrüfatı məhsulları üzrə bazar infrastrukturunun inkişafı və istehsalçıların bazara çıxışının asanlaşdırılmasıdır.
Bu məqsədlə aqrar sahəyə investisiya qoyuluşları təşviq ediləcək, informasiya-məsləhət xidməti şəbəkəsi formalaşdırılacaq, eləcə də aqrar sığortanın təbiqi ilə bağlı hüquqi tədbirlər görüləcək.
Vüqar Bayramov vurğulayıb ki, tibbi sığorta sahəsinə dair də islahatlar anons edilib. Ekspertin sözlərinə görə, yeni model səhiyyə xidmətlərinin icbari tibbi sığorta ilə inkişaf etdirilməsini nəzərdə tutur.
Yeni sosial-iqtisadi modelə keçidlə bağlı aiddiyyəti üzrə tapşırıqlar verilib.
BAKU.WS
VİDEO