055 213 76 73
Azərbaycanın kişi basketbolçulardan ibarət 3x3 millisi Türkiyənin Konya şəhərində keçirilən V İslam Həmrəyliyi Oyunlarında finala yüksəlib.
BAKU.WS "Report"a istinadən xəbər verir ki, komanda yarımfinalda İran seçməsi ilə üz-üzə gəlib.
Qarşılaşma Azərbaycan yığmasının 21:17 hesablı qələbəsi ilə bitib.
Finaldakı rəqib Seneqal kollektivi olacaq. Görüş Bakı vaxtı ilə saat 21:10-da başlayacaq.
Azərbaycanın qadın basketbolçulardan ibarət 3x3 yığması da Türkiyənin Konya şəhərində keçirilən V İslam Həmrəyliyi Oyunlarında finala yüksəlib.
Yığma yarımfinalda Özbəkistan seçməsi ilə qarşılaşıb. Görüşə sürətli başlayan Azərbaycan basketbolçuları yekunda 16 - 6 hesablı qələbə qazanıblar.
Qeyd edək ki, milli komanda finalda Mali yığması ilə üz-üzə gələcək. Oyun bu gün Bakı vaxtı ilə saat 21.10-da başlayacaq.