055 213 76 73
UEFA Çempionlar Liqasında dörddəbir final mərhələsinin növbəti iki qarşılaşması baş tutub.
BAKU.WS xəbər verir ki, Almaniyada turnirin son qalibi “Bavariya” ilə Fransanın “Paris Sen-Jermen” komandaları üz-üzə gəlib.
Matçın 3-cü dəqiqəsində Kilyan Mbappe qonaqları hesabda önə çıxarıb. Qarşılaşmanın 28-ci dəqiqəsində PSJ hesab arasındakı fərqi iki topa çatdırıb.
Bu dəfə isə Markinyos fərqlənib. "Bavariya" qollardan birinin əvəzini çıxıb. Maksim Şupo-Motinq qapıya dəqiq baş zərbəsi endirib və hesabı minimuma endirib. 60-cı dəqiqədə isə Tomas Müller komandasının növbəti qolunu vurub. Kilyan Mbappe buraxılan qoldan cəmi 2 dəqiqə sonra yenidən adını tabloya yazdıraraq komandasının səfərdə vacib qələbəsini təmin edib.
Digər görüşdə İngiltərənin "Çelsi" klubu səfərdə Portuqaliyanın "Portu" komandasını 2:0 hesabı ilə məğlub edib. London təmsilçilərinin heyətində Meyson Mount (32) və Benjamin Ciluel (85) fərqlənib.
Bu komandalar arasında cavab qarşılaşmaları aprelin 13-də baş tutacaq.