055 213 76 73
Qış fəsli orqanizm üçün ən çox vitamin tələb olunduğu zamandır. Ona görə də mütəxəssislər qeyd edirlər ki, qış mövsümündə xəstəliklərdən qorunmaq üçün vitaminlər, faydalı qidalar vasitəsilə orqanizmi möhkəmləndirmək lazımdır. Qış mövsümündə yuxarı tənəffüs yollarının xəstəlikləri artır. Buna görə də bizim üçün güclü immun sistemə sahib olmaq daha da vacib olur.
BAKU.WS xarici mətbuata istinadən qış aylarında immunitet sistemini gücləndirən 8 qidanı təqdim edir:
Nar
Nar tərkibindəki antosiyanin sayəsində ən güclü antioksidant xüsusiyyətlərə malik meyvələrdən biridir. Tərkibindəki zəngin C, E və K vitaminləri, həmçinin kalsium, kalium və maqnezium kimi minerallar sayəsində immunitet sistemini dəstəkləyir və bizi xəstəliklərdən qorumağa kömək edir. Narın qabığının meyvə ilə yanaşı güclü antioksidant xüsusiyyətlərə malikdir. Bu səbəbdən nar qabıqlarını yaxşıca təmizlədikdən sonra çay şəklində dəmləyib ara-sıra 1-2 stəkan istehlak edə bilərsiniz.
Balqabaq
Qış mövsümünün ən gözəl rəngarəng qidalarından olan balqabağın tərkibində olan A vitamini immunitet sistemi hüceyrələrinin funksiyalarının tənzimlənməsində rol oynayır. Beləliklə, immunitetimizin güclənməsinə mühüm töhfə verir. A vitamini müxtəlif yoluxucu xəstəliklərə də müalicəvi təsir göstərir. Balqabağı qidalanma planınıza garnitür olaraq və ya şorba hazırlayaraq əlavə edə bilərsiniz.
Heyva
Heyva güclü antioksidant tərkibli meyvədir. Tərkibindəki C vitamini və fitokimyəvi maddələrlə immunitet sistemimizi gücləndirməyə kömək edir. Gün ərzində istehlak edəcəyiniz meyvələrdən biri kimi heyvanın bir hissəsini istifadə edə bilərsiniz. 1/3 orta ölçülü heyva meyvənin bir hissəsinə bərabərdir. Öskürək və ya boğaz ağrınız zamanı heyvanı cökəyə doğrayaraq da istehlak edə bilərsiniz.
İtburnu
İtburnu C vitamini baxımından çox zəngin tərkibə malikdir. Tərkibindəki C vitamini sayəsində immunitet sistemini gücləndirir, immunitet sistemindəki bir çox hüceyrə funksiyasında rol oynayır. Tərkibindəki zəngin polifenollar sayəsində soyuqdəyməyə qarşı da qoruyucu təsir göstərir. Qaynar suda 10-15 dəqiqə dəmlədiyiniz itburnu çayını çox gözləmədən istehlak edərək C vitaminindən ən təsirli şəkildə faydalana bilərsiniz.
Kefir
Kefir mayalanmış süddür, inək, qoyun və keçi südündən hazırlanır. Turşməzə dada malikdir. Tərkibində bakteriyaların (faydalı) sayı süddəkindən artıq olduğuna görə orqanizm üçün daha çox xeyri var. Güclü immun sistemi üçün sağlam bağırsağa sahib olmaq çox vacibdir. Tərkibindəki faydalı bakteriyalar sayəsində kefir bağırsaq florasının tənzimlənməsində son dərəcə əhəmiyyətli funksiyaya və güclü immunitetə malik olan bağırsaqda faydalı bakteriyaların sayını artırmağa kömək edir. Bundan əlavə, tərkibində karbohidratlar, yağlar və zülallar kimi makronutrientlər var. Kalsium, maqnezium və B2 vitamini kimi mikroelementlərlə sağlam qidalanma da sağlam immun sisteminin formalaşmasında rol oynayır.
Kök
Kökdə olan beta-karotin immunitet sistemi ilə əlaqəli funksiyaları tənzimləməyə kömək edir. Tərkibindəki C vitamini ilə yanaşı, kalium və sink kimi minerallar və fenolik birləşmələr yerkökü qışda immuniteti dəstəkləmək üçün çox qiymətli bir qida halına gətirir. Yerkökü də yaxşı bir lif mənbəyi olmaqla bağırsaq sağlamlığını dəstəkləyir. Yerkökü salatlara əlavə edərək və ya çiy halda istehlak edərək zəngin qida məzmunundan faydalana bilərsiniz.
Kivi
Kivi polifenol və C vitamini ilə zəngin bir meyvədir. 100 qram kivi demək olar ki, tək başına bir yetkin insanın gündəlik C vitamini ehtiyacını ödəyir.
Balıq
Balıqda çoxlu omeqa 3 yağ turşuları, melatonin, triptofan və taurin kimi immunitet sistemini tənzimləyən komponentlər var. Müntəzəm olaraq balıq istehlakının bağırsaqlardakı faydalı bakteriyaların sayının artmasına da töhfə verdiyini ifadə edir. Bağırsaqlarda çox sayda faydalı bakteriyanın olması güclü bir immunitet sistemi üçün vacibdir. Qış ayları balıq müxtəlifliyinin olduğu aylardır. Buna görə də onun qida zənginliyindən faydalanmağa münasibdir.
