Röyanın 75.000-lik hədiyyəsi

Müğənni ad gününə hazırlaşır. İyunun 14-ü 29 yaşı tamam olacaq müğənni Röya Ayxan ad gününü sevənləri ilə birgə canlı yayımda qeyd edəcək. Belə ki, iyunun 14-ü Röya ANS TV-nin səhər proqramında canlı yayımda qeyd etməyə başlayaraq, günü ATV-nin efirində gedəcək iki saatlıq konsert proqramı ilə bitirəcək. Bu konsert proqramı kino şəklində, Röyanın bu günədək hit olub, amma klipsiz qalan mahnılarına çəkilib. Cəmi 15 mahnıdan ibarət olan kino-klip müğənniyə 75.000 manata başa gəlib və bunu Röya məhz öz ad günü üçün özünə və sevənlərinə hədiyyə edib. Ülviyyə AlovluGün.Az