Azərbaycanlı reperə ölümündən sonra mükafat verilib

Dünən Heydər Əliyev Sarayında “Bakı Gecələri” festivalına yekun verilib. BaKu.Ws-ın məlumatına görə, mükafatçılar arasında dünyasını dəyişən gənc reper Rüfət Əfəndiyev də olub. Müğənni Roza Zərgərlinin ifasında oxunan “Mənimlə Mənsiz” adlı mahnı Bakı şəhər Mədəniyyət və Turizm idarəsi tərəfindən “Qran-pri”yə layiq görülüb. “Klan-a-plan” qrupunun dünyasını dəyişən üzvü Rüfət Əfəndiyev isə sözü gedən mahnının “ən yaxşı aranjemançısı” kimi mükafat alıb. Qeyd edək ki, Azərbaycanın tanınmış müğənniləri də həmin gecə mükafatçılar siyahısında olub. Siyahıya Təranə Vəlizadə, Manana, Rəhim Rəhimli, Günay İbrahimli və digərləri də daxildir. Lalə Yusifqızı