Azərbaycanı "Eurovision"da kim təmsil edəcək?

262795685_eurovision.jpg|-->"Eurovision 2010" mahnı müsabiqəsində Azərbaycanı təmsil edən müğənninin adı fevral ayının 2-də müəyyənləşəcək. İTV-nin mətbuat xidmətindən verilən məlumata görə, bir neçə seçim turu keçirilib, seçim turlarında iştirak edən 30-dan artıq gənc ifaçının video yazıları yerli və xarici mütəxəssislər tərəfindən qiymətləndirilib. "Eurovision" müsabiqəsinin Azərbaycan üzrə nümayəndə heyətinin rəhbəri Adil Kərimli bildirib ki, 30-dan artıq ifaçının video yazıları qiymətləndirilib. Yarımfinal mərhələdə final üçün iştirakçılar seçiləcək. Qeyd edək ki, yarımfinal mərhələsində - Azad Şabanov, "Milk & Kisses" qrupu, Məryəm Şabanova, Səfurə Əlizadə, Elli və Ülviyyə Rəhimova iştirak edəcəklər. Fevral ayının 2-də "Buta Palace"da keçiriləcərək yarımfinal mərhələsi "Eurovision" formatında təşkil olunacaq. Hər iştirakçıya çıxış etməsi üçün 3 dəqiqə vaxt ayrılacaq.Seçim turunda gənclərə dəstək olmaq üçün "Eurovision 2004" müsabiqəsinin qalibi Ruslana, "Eurovision 2009"un qalibi Aleksandr Rıbak və Azərbaycanın "Eurovision 2009" müsabiqəsində təmsilçisi Aysel də iştirak edəcək.