Telefon akkumulyatorunu doldurmaq üçün çimərlik paltarı!

İstirahətdə olarkən telefonun və ya fotokameranın akkumulyatorunun boşalması problemi ilə hər kəs qarşılaşıb. Avtomobili olan şəxs üçün bu ciddi problem deyil. Lakin çimərlikdə, avtomobil buraxılmayan yerlərdə isə yalnız bir çarə var – istirahəti yarımçıq kəsmək. Artıq bu problemə də çarə tapılıb. "Solar Bikini" adlı çimərlik paltarı kiçik qurğuları doldurmağa imkan verir. Dizayner Andrey Şneyderin hazırladığı alt paltarı fotoelementlərdən hazırlanıb. Bu fotoelementlər sayəsində günəş enerjisi elektrik enerjisinə çevrilir. USB çıxışı sayəsində bu bikini telefon, İPod, fotokamera və sair kiçik cihazları doldurmağa imkan verir. Bikini su keçirmir. "Solar Bikini"nin satış qiyməti 135 dollardır. VüqarLent.az