Prezidentin ad günü münasibətilə nəhəng tort hazırlanır

292947984_18893.jpg|--> Gəncə şəhər rəhbərliyinin və gəncəli iş adamlarının təşəbbüsü ilə prezident İlham Əliyevin ad günü münasibətilə nəhəng tort hazırlanır. İcra Hakimiyyətindən verilən məlumata görə, Qafqazın ən böyük tortunun ötən ilkindən 1 metr daha uzun - 49 metr olması nəzərdə tutulub. Tort həm də tərtibatının qeyri-adiliyinə görə fərqlənəcək.Şirniyyatçıların sözlərinə görə, tortun hazırlanması üçün təxminən 2 ton un, 29 min yumurta, 350 litrə qədər süd, 350 kq qatılaşdırılmış süd, 400 kq-a yaxın qoz ləpəsi, 300 kq hind qozu, 370 kq kərə yağı, 30 kq duru yağ, 35 kq kakao, 65 kq şokolad, 380 kq krem şanti, 400 kq karamel sərf olunacaq. Tort üçün həmçinin 60 ədəd şəkil, müxtəlif fiqurlar hazırlamaq üçün 40 kq xüsusi xəmir, 100 kq saxarin və 400 kq bişmiş xəmiri təzə saxlayan xüsusi maddə istifadə ediləcək. Qeyd edək ki, artıq dördüncü ildir ki, bu tarix üçün nəhəng tort bişirilir. Tort elə dövlət başçısının ad günündə kəsilərək şəhər sakinlərinə paylanılacaq.