Nəqliyyat Nazirliyinin əməkdaşının üstünə Kamaz sürdülər

Dəvəçi rayonunun prokuror əvəzi İlham Kərimlinin verdiyi məlumata görə, yolların mühafizəsi şöbəsinin əməkdaşları Bakıdan Xaçmaza gedən yüklə dolu "Kamaz"ı saxlayıblar.Söhbət zamanı Xaçmazın Hacıisaoba kənd sakini, 31 yaşlı sürücü Mehman Əmirquliyevlə şöbə əməkdaşları arasında mübahisə yaranıb. Nəticədə əməkdaşlardan biri onlara tabe olmayan sürücü tərəfindən xəsarət alıb. Belə ki, sürücü idarə etdiyi "Kamaz"ı şöbə əməkdaşlarından biri Vüsal Səmədovun üstünə sürüb.Faktla bağlı Dəvəçi rayon Prokurorluğunda Cinayət Məcəlləsinin 315.2 (hakimiyyət nümayəndəsinə zor tətbiq etməklə müqavimət göstərmə) maddəsi ilə cinayət işi başlanıb. ANS TVMaraqli melumatin var ? super@baku.ws e-mail & msn unvani ixtiyarindadir !!!