Fəzada vizual yazılan söz smartfonun ekranında təsvir olunacaq

263814422_900px-flag_of_japan.svg.png|--> Tokio Universitetinin mühəndisləri mobil telefonun jest vasitəsilə faktiki toxunmadan idarə olunmasını təmin edən yeni mobil interfeys üzərində işləyirlər. İşikava Komuronun rəhbərlik etdiyi mühəndislər qrupu tərəfindən “mobil qurğular üçün vizual daxiletmə interfeysi” yaradılıb. Yeni proqram təminatının tətbiqi nəticəsində istifadəçilər öz telefonlarının idarə olunması üçün barmaq və ya əlləri vasitəsilə bir sıra jestdən istifadə edə biləcəklər. Məsələn, fəzada hər hansı bir sözü barmaqla vizual yazaraq həmin söz smartfonun ekranında təsvir olunacaq. Yeni texnologiyanın işləməsi üçün mobil telefon saniyədə 154 kadr qəbul etmə tezlikli xüsusi kamera, eləcə də real vaxtda istifadəçinin əl hərəkətlərini izləyən cihazla təchiz olunmalıdır. Qurğuların bu cür kombinasiyası sayəsində istifadəçi telefonun bu və ya digər imkanları ilə 3D-komandalarla idarə etmək və bəzi jestlərə aid edilə bilən ayrıca hərəkətlər yerinə yetirmək imkanı qazanır.