Bakının ən böyük və müasir metro stansiyası gələn il açılacaq

Bakı Metropolitenində yeni stansiyaların tikintisi istiqamətində işlər davam etdirilir. Artıq tikintisinə başlanılan "Avtovağzal" stansiyası çox müasir görkəmdə olacaq. Bu stansiya Bakıda ən uzun platformalı olacaq ki, bu xətt üzrə hərəkət edən qatarlara 7 vaqon qoşulacaq. Bundan başqa “Avtovağzal” stansiyasının platformasının sütunsuz olması nəzərdə tutulub. "Avtovağzal" stansiyasının tikintisi istiqamətində artıq xeyli işlər görülüb. Stansiya 2013-cü ildə təhvil veriləcək. “Avtovağzal”a gediş, keçid stansiyası olan “Cavadxan” vasitəsilə olacaq. Bu xəttin uzunluğunun 2 kilometr 200 metr olması nəzərdə tutulur. Qeyd edək ki, Bakı Metropolitenində platforması sütunsuz olan ilk və hələlik yeganə stansiya “Azadlıq prospekti”dir. Nizam RZA