Bakıda evakuatorların fəaliyyəti dayandırılıb

261783928_evakuatorlarin-suruculeri35.jpg|--> Bakıda evakuatorların fəaliyyəti dayandırılıb. Bakı şəhər Dövlət Yol Polisinin ictimai strukturlar üzrə müfəttişi Faiq Muradov xəbəri təsdiq edib: “Bəli, onların fəaliyyəti dayandırılıb. Səbəblər barədə heç nə deyə bilmərəm”. Güman edildiyinə görə, evakuatorların ləğvi sürücülərin daimi şikayəti və evakuatorçularla bəzən əlbəyaxaya keçən davasının nəticəsidir. Bu, bəzi əliəyri şəxslərin sürücülərdən rəsmi cərimə məbləğini xeyli üstələyən rüşvət alması ilə də bağlı ola bilər. Bu addımın daimi və ya müvəqqəti tədbir olduğunu öyrənmək cəhdimiz uğursuz alınıb. Hər halda, gözləməkdən başqa çarə qalmır.