Əli Əkbərin “Sarı Gəlin”i çap olundu

Tanınmış yazıçı Əli Əkbərin sayca 6-cı kitabı işıq üzü görüb.

Əli Əkbərin baku.ws-a verdiyi məlumata görə, yenicə çap olunmuş romanın adı “Sarı gəlin”dir: “Roman hələlik kitab mağazalarına paylanmayıb. Yaxında kitabın təqdimatı olacaq və kitab mağazalarına paylanacaq”.

“Roman bu günə qədər yazdıqlarımın içərisində mənə ən çox əzab verən, ağrıdan roman oldu. Oxucu romanla tanış olanda nə demək istədiyimi başa düşəcək. Roman Ermənistan-Azərbaycan konflikti kontekstində yazılmayıb. Sadəcə qəhrəmanlarımdan biri bu mahnı başda olmaqla, bizim dırnaqarası milli-mental dəyərlərimizin müdafiəçisidir. Yeni romanda həm siyasi satira, həm detektiv elementləri var, istəyən triller də deyə bilər” – deyə müəllif bildirir.

Qeyd edək ki, “Sarı gəlin” romanının redaktoru Elnur Astanbəylidir.