Zelenskidən acı etiraf

Ukrayna prezidenti Vladimir Zelenski ölkəsinin Rusiya ilə münaqişə zamanı itirdiyi əraziləri geri qaytara bilməyəcəyini etiraf edib.

BAKU.WS xəbər verir ki, o, bu fikri 4 fevralda britaniyalı jurnalist Pirs Morqana verdiyi müsahibədə səsləndirib.

"Biz bütün torpaqlarımızı geri qaytara bilmərik. Nəticənin qeyri-müəyyən olduğu bir halda milyonlarla insanı itirə bilmərik", – deyə Zelenski bildirib.

O, Ukraynaya Qərbin hərbi yardımının yetərli olmadığını və cəbhədə vəziyyətin çox çətin olduğunu vurğulayıb. Eyni zamanda, münaqişənin həlli üçün danışıqlara hazır olduğunu qeyd edib.