Ağdamın 60, Füzulinin 78, Xocavəndin isə təxminən 16 faizi minalardan təmizlənib

Ağdam rayonunun təxminən 60 faizi, Füzuli rayonunun təxminən 78 faizi və Xocavənd rayonunun isə təxminən 16 faizi minalardan təmizlənib.

BAKU.WS "Report"a istinadən xəbər verir ki, bunu Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində keçirilən tədbirdə deyib.

Onun sözlərinə görə, son beş ildə Ağdam rayonunun təxminən 60 faizi, Füzuli rayonunun təxminən 78 faizi və Xocavənd rayonunun isə təxminən 16 faizi minalardan təmizlənib.

"Mina problemi bu bölgə üçün fundamental bir problemdir və bunun yaxın zamanda tamamilə aradan qalxacağı ilə bağlı heç bir illüziyamız yoxdur. Bu problem mövcud olmaqda davam edəcək və biz minaların ətrafımızda olduğu reallığı ilə yaşamağın və bununla mübarizə aparmağın yollarını tapmalı olacağıq. Biz buna qarşı daim diqqətli olmalı, ehtiyatlı davranmalı və insanlarımızın təhlükəsizliyini prioritet etməliyik".