055 213 76 73
Birinci Qarabağ müharibəsində itkin düşən və aşkarlanmış meyit qalıqlarının eyniləşdirilməsi prosesində şəxsiyyəti müəyyən olunan Baba Mikayılov Şamaxıda dəfn edilib.
Oxu.Az-ın məlumatına görə, 1969-cu il təvəllüdlü Baba Mikayılovun meyitinin qalıqları rayonun Göylər kəndində torpağa tapşırılıb.
Qeyd edək ki, o, 1992-ci ildə Birinci Qarabağ müharibəsində Şuşanın Daşaltı kəndi ərazisində itkin düşmüşdü.
Xatırladaq ki, Vətən müharibəsindən sonra işğaldan azad edilən torpaqlarımızda aparılan abadlıq işləri zaman Birinci Qarabağ müharibəsi zamanı itkin düşmüş Azərbaycan hərbçilərinin sümüklərinin qalıqları aşkarlanıb.
Aparılmış ekshumasiya zamanı 10 nəfərin şəxsiyyəti müəyyən olunub.
Dəfndə şəhidin yaxınları, Müdafiə Nazirliyinin əməkdaşları və ictimaiyyət nümayəndələri iştirak ediblər.