Ayşe Barımla bağlı qərar verildi

Bu gün keçirilən məhkəmədə həbsdə olan məşhur menecer Ayşe Barımla bağlı qərar verilib.

BAKU.WS xəbər verir ki, ikinci dəfə hakim qarşısına çıxarılan menecer, ev dustaqlığı və ölkədən çıxışına qadağa qoyulması şəklində məhkəmə nəzarəti tədbiri şərti ilə azadlığa buraxılıb.

Ayşe Barımın 22 il 6 aydan 30 ilə qədər həbsi tələb edilirdi.

Xatırladaq ki, Ayşe Barım Taksimdəki "Gezi Parkı" hadisələrini planlaşdıranlardan biri olduğu iddiası ilə "Türkiyə Respublikası hökumətini devirməyə təşəbbüsə yardım" ittihamı üzrə yanvarın 28-də həbs edilib.