Ayşe Barım saxlanılıb

Türkiyədə məşhur menecer Ayşe Barım Gezi Parkı hadisələrinə qatıldığına dair yazılı və vizual mətbuatda yayılan iddialar əsasında başlatılan araşdırma çərçivəsində saxlanılıb. Barımın həm evində, həm də iş yerində hüquq-mühafizə orqanları tərəfindən axtarış aparılıb.

BAKU..WS haberler.com-a istinadən xəbər verir ki, Ayşe Barım barəsində Gezi Parkı hadisələrində iştirakı ilə bağlı iddialar əsasında prokurorluq tərəfindən araşdırma başladılıb. O, "Türkiyə Cümhuriyyətini ortadan qaldırmağa və ya onun fəaliyyətinə mane olmağa cəhd" maddəsi ilə saxlanılıb.

Araşdırmalara əsasən, Ayşe Barımın Gezi Parkı hadisələrinin başlanğıcı olan 29 may - 2 iyun 2013 tarixləri arasında sahibi olduğu "ID İletişim Danışmanlık A.Ş." şirkətinə bağlı olan sənətçilərlə görüşlər keçirdiyi və onları etirazlara qatılmağa təşviq etdiyi müəyyən edilib. Eyni zamanda, Barımın həmin sənətçilərlə birgə aksiyalarda iştirak etdiyi bildirilib.

Barımın saxlanılmasının ardından hüquq-mühafizə orqanları onun evində və iş yerində axtarış aparıb.

Eyni zamanda, İstanbul Respublika Baş Prokurorluğu tərəfindən Barım haqqında sosial media platformalarındakı paylaşımlar və xəbərlərdə yer alan iddialar əsasında ayrıca bir araşdırma başladılıb. Bu araşdırmanın "iş azadlığının pozulması" və "şantaj" iddiaları ilə əlaqəli olduğu bildirilib. Barım haqqında xaricə çıxış qadağası da tətbiq olunub. Araşdırma çərçivəsində keçən həftə məşhur aktrisa Serenay Sarıkaya şahid qismində ifadə verib.