055 213 76 73
İsveç alimləri bitkilərin böyüməsini sürətləndirən elektron torpaq ərsəyə gətiriblər.
BAKU.WS xarici mətbuata istinadən xəbər verir ki, İsveçin Linköpinq Universitetinin tədqiqatçıları hidroponik ərazilərdə və ya əsasən sudan və köklərin yapışdığı yerdən ibarət olan mühitlərdə, torpaqsız bitkilər yetişdirən fermalarda bitkilərin böyüməsini sürətləndirə bilən “bioelektronik torpaq” hazırlayıblar.
Hazırlanmış "eSoil" fidanların böyüdüyü çərçivəyə əlavə edildikdən sonra tədqiqatçılar torpaq vasitəsilə elektrik siqnallarının göndərilməsinin bitkilərin orta hesabla 50 faiz daha çox böyüməsinə səbəb olduğunu aşkar ediblər.
“eSoil” sensorlar və OLED displeylərdə tapıla bilən PEDOT adlı keçirici polimerlə qarışdırılmış üzvi materiallardan ibarətdir.
Belə ki, eSoil-ə 0,5V qədər kiçik gərginlik tətbiq etmək kökləri elektriklə stimullaşdırır. Bu, stimullaşdırılmamış toxumlarla müqayisədə elektriklə stimullaşdırılan bitkilərin biokütləsinin əhəmiyyətli dərəcədə artması ilə nəticələnib.
Hidroponik üsullar əsasən yarpaqlı göyərti və xiyar-pomidor kimi bəzi tərəvəzləri yetişdirmək üçün istifadə edilsə də, “eSoil” məhsuldarlığı artırmağa həll yolu təklif edə bilər.