Türkiyə-Ermənistan sərhədi üçüncü ölkə vətəndaşları üçün açılır

"Türkiyə və Ermənistan dövlətləri sərhəddəki Marqara körpüsünün tez bir zamanda istifadəyə verilməsi üçün mümkün olan hər şeyi edəcək".

BAKU.WS xəbər verir ki, bu sözləri Türkiyənin Ermənistanla münasibətlərin normallaşması üzrə xüsusi nümayəndəsi Serdar Kılıç armenpress-ə müsahibəsində deyib.

O bildirib ki, hər iki dövlətin son zamanlar atdığı addımlar münasibətlərin normallaşması prosesinə müsbət təsir göstərəcək:

"Bu gün Türkiyə və Ermənistan üçüncü ölkə vətəndaşları üçün sərhədlərin açılması işinə yeni təkan vermək barədə razılığa gəliblər".