055 213 76 73
Mənzildə yaşamadığı halda onu təhvil vermək istəməyən 70 məcburi köçkün ailəsi məhkəməyə verilib.
BAKU.WS Xəzər TV-yə istinadla xəbər verir ki, bunu Qaçqınların və məcburi köçkünlərin işləri üzrə dövlət komitəsinin aparat rəhbəri Eldar Zeynalov deyib.
O bildirib ki, həmin mənzillər ehtiyacı olan digər məcburi köçkün ailələrinə veriləcək. Aparat rəhbəri vurğulayıb ki, yeni mənzil almaq üçün məcburi köçkünlər arasında süni boşanmalar da var.
Mənzillərin bölgüsü zamanı bəzi köçkünlər Komitəyə problem yaradırlar. Bunların arasında mənzilə ehtiyacı olmayanlar da var.
Eldar Zeynalovun sözlərinə görə, yeni mənzil almaq məqsədi ilə boşanan məcburi köçkünlər də var. Bunlar əsasən yerli sakinlərlə evlənən qadınlardır.
Aparat rəhbəri mənzildə yaşamadığı halda onu təhvil vermək istəməyən məcburi köçkünlərdən də danışıb. Vurğulayıb ki, "Qobu Park-1" və "Qobu Park-2" yaşayış komplekslərindən mənzil əldə etmiş bu cür 70 məcburi köçkün ailəsi məhkəməyə verilib. Mənzili könüllü şəkildə təhvil verənlər də var.
Eldar Zeynalov bildirib ki, Sumqayıtda yaşayan bir qrup məcburi köçkün ailəsinin də məhkəməyə verilməsi üçün sənədlər hazırlanır.