SİZİN REKLAM BURADA!
055 213 76 73


Qusar rayonu qədim yaşayış məskənlərindəndir.

BAKU.WS Xəzər TV-yə istinadən xəbər verir ki, rayonun Həzrə kəndində yerləşən qədim qəbiristanlıq da buna misal ola bilər.

Bu qəbiristanlıq digər məzarlıqlardan çox fərqlənir. Yastı formada olan qadın, papaq şəklində olan isə kişi qəbri olmasını nişanə verir.

El arasında buraya "sevgililər qəbiristanlığı" da deyilir. Qəbirlər iki formadadır. Birinin yuxarı hissəsi yastı şəkildə, digəri isə papaq formasındadır.

Həzrə kənd sakinlərinin sözlərinə görə, kənddə bir neçə qədim qəbiristanlıq var. Onlardan el arasında "sevgililər qəbiristanlığı" kimi bilinən bu məzarlıq diqqət çəkir. Məzarlıq haqqında deyilən ən maraqlı məlumat odur ki, burada sevgi ilə ailə qurub, ömrünün sonuna qədər ibadətlə məşğul olan ailələri dəfn ediblər.

Qadın və kişi yan-yana basdırılıb, onların yanında demək olar ki, başqa şəxslərin basdırılması qadağan olunub. Yaşlı insanların dediklərinə görə, bu qəbirlərin yaşı uzaq əsrlərə qədər gedib çıxır.

Buradakı qəbirlərin üzərində təsbeh, namaz qılmaq üçün xalça, dəstəmaz almaq üçün su qabı da əks olunub.

BAKU.WS