Futbol üzrə qadınlardan ibarət Azərbaycan milli komandasının AVRO-2021-in seçmə mərhələsindəki rəqibləri müəyyənləşib.

İsveçrənin Nyon şəhərində UEFA-nın mənzil-qərargahında baş tutan püşkatma mərasimində 5-ci səbətdə yer alan yığma D qrupuna düşüb. Vüqar Əsgərlinin rəhbərlik etdiyi kollektiv İspaniya, Çexiya, Polşa və Moldovaya rəqib olub.

Püşkatmada iştirak edən 48 yığma 9 qrupa bölünüb:

A qrupu: Hollandiya, Rusiya, Sloveniya, Türkiyə, Kosovo, Estoniya

B qrupu: İtaliya, Danimarka, Bosniya və Herseqovina, İsrail, Malta, Gürcüstan

C qrupu: Norveç, Uels, Belarus, Şimali İrlandiya, Farer adaları

D qrupu: İspaniya, Çexiya, Polşa, Moldova, AZƏRBAYCAN

E qrupu: Şotlandiya, Finlandiya, Portuqaliya, Albaniya, Kipr

F qrupu: İsveç, İslandiya, Macarıstan, Slovakiya, Latviya

G qrupu: Fransa, Avstriya, Serbiya, Qazaxıstan, Makedoniya

H qrupu: İsveçrə, Belçika, Rumıniya, Xorvatiya, Litva

I qrupu: Almaniya, Ukrayna, İrlandiya, Yunanıstan, Monteneqro

Azərbaycan millisi 2009-cu ildən sonra ilk dəfə seçmə mərhələdə qüvvəsini sınayacaq. Eyni zamanda Kosovo da tarixində ilk dəfə püşkatmada yer alıb.

Qeyd edək ki, qrup qalibləri və 2-ci yeri tutan ən yaxşı nəticəyə malik 3 komanda final mərhələsinə vəsiqə qazanacaq. Digər 6 qrupun 2-ciləri isə 2021-ci ildə İngiltərədə təşkil olunacaq final mərhələsinə yüksəlmək üçün pley-off oynayacaqlar.

BAKU.WS


TƏCİLİ KREDİT SİFARİŞLƏRİ