VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycan milli komandası növbəti oyununu keçirib.

BAKU.WS “apasport.az”a istinadən xəbər verir ki, Canni de Byazinin yetirmələri Maltada təşkil olunan təlim-məşq toplanışında ikinci matçına çıxıb.

Yığmamız Latviya ilə görüşüb. Qarşılaşma Ta Qalidəki Milli stadionda baş tutub.

Görüşün ilk yarısı millimizin üstünlüyü ilə keçib. Topa daha çox nəzarət edən yığmamız rəqib qapısına daha çox hücum qurub. Lakin 30-cu dəqiqədə qırmızı vərəqə alan Qara Qarayev yığmanı azlıqda qoyub. Bundan sonra latviyalılar qazandıqları say üstünlüyündən yararlanmağa çalışıblar.

De Byazinin yetirmələrinin əldə etdiyi ərazi üstünlük tədricən “əriyib”. İkinci yarıda həm millimiz, həm də oyunu bərabərləşdirən Baltikyanı ölkə təmsilçisi bir neçə yaddaqalan epizod yaratsa da, hesab yalnız son dəqiqələrdə açılıb. 85-ci dəqiqədə fərqlənən Latviya millisi 1:0 hesabı ilə qalib gəlib. Bununla da yığmamız Malta toplanışını iki məğlubiyyətlə və qolsuz başa vurub.

Qeyd edək ki, yığmamız martın 25-də Malta ilə yoldaşlıq oyununda 0:1 hesabı ilə uduzub.

Yoldaşlıq oyunu

29 mart

15:00. Azərbaycan – Latviya - 0:1

Qol: Vladislavs Qutkovskis, 85

Qırmızı vərəqəlar: Qara Qarayev, 30 - Kaspars Dubra, 90

Baş hakim: Trustin Farrucia Kann (Malta)

Azərbaycan: 1. Səlahət Ağayev, 2. Qara Qarayev, 3. Azər Salahlı, 4. Bəhlul Mustafazadə, 5. Maksim Medvedev (k), 6. Höccət Haqverdi, 8. Emin Mahmudov, 9. Renat Dadaşov, 10. Dmitri Nazarov, 14. Eddi İsrafilov, 17. Toral Bayramov

Ehtiyat oyunçular: 12. Mehdi Cənnətov, 23. Nicat Mehbalıyev, 7. Namik Ələskərov, 11. Ramil Şeydayev, 13. Abbas Hüseynov, 15. Amin Seydiyev, 16. Coşqun Diniyev, 18. Filip Ozobiç, 19. Təmkin Xəlilzadə, 20. Riçard Almeyda, 21. Ağabala Ramazanov, 22. Aleksey İsayev

Baş məşqçi: Canni de Byazi

Latviya: 1. Pavel Şteynbors, 2. Vladislav Sorokins, 4. Kaspars Dubra, 5. Antoniys Çernomordiys (k), 6. Kristers Tobers, 9. Vladislavs Qutkovskis, 11. Roberts Savalnieks, 14. Andreys Ciqaņiks, 17. Renars Varslavans, 19. Raymonds Krollis, 22. Alekseys Savelyevs

Ehtiyat oyunçular: 12. Roberts Ozols, 23. Rixards Matreviçs, 7. Vladimirs Kamess, 8. Eduards Emsis, 10. Yanis İkaunieks, 13. Emils Birka, 15. Vladislavs Fyodorovs, 16. Alvis Yaunzems, 18. İqors Tarasovs, 20. Daniels Balodis, 21. İlias Korotkovs

Baş məşqçi: Daynis Kazakeviçs

Ta Qali. Milli stadion

BAKU.WS