VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

 
Boks üzrə 14 qat Azərbaycan çempionu, yeniyetmələr arasında Dünya və Avropa çempionu, Prezident mükafatçısı, əməkdar idman ustası Samir Məmmədov acınacaqlı vəziyyətdə yaşayır. 

BAKU.WS AzNews.az-a istinadən məlumat verir ki, idmançımız hazırda imkansızlıq ucbatından taksi sürücülüyü ilə məşğuldur. S.Məmmədov taksi xidmətlərindən birinin sürücüsüdür. Samir Məmmədov özü də faktı təsdiqləyib.
 
Onun sözlərinə görə, Gənclər və İdman Nazirliyinin, eləcə də Boks Federasiyasının diqqətsizliyi ucbatından, idmanı tamamilə atıb və ailəsini dolandırmaq üçün müxtəlif işlərə üz tutub:
 
"Düzdür, mən taksi sürücüsü kimi fəaliyyət göstərmişəm. Ondan əvvəl daha ağır işlərdə çalışmışam. İl yarım idi ki, "189” taksi xidmətində çalışırdım. Hamısı ehtiyac ucbatındandır. Təbii ki, bu, mənim idmanda qazandığım nəticələrə yaraşmır. Mənim evdə iki balam var. Onlar evdə yemək istəyəndə, mən onlara nəyisə başa sala bilmərəm. Taksiçi işləmək ayıb deyil. Düzdür, hərə öz işinə uyğun işləsə əla olar. Amma nə edim”.
 
BAKU.WS