VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı şəhər Təhsil İdarəsindən BAKU.WS-in sorğusuna cavab olaraq bildirildi ki, mətbuatda yazılanlar həqiqəti əks etdirmir:

"175 nömrəli tam orta məktəbdən verilmiş məlumatda qeyd olunur ki, təhsil müəssisəsində belə bir hadisə baş verməyib. Pedaqoji kollektivimiz peşəkar media prinsiplərinə uyğun olmayan əsassız məlumatların yayılmasını qınayır".

12:55:17

175 saylı orta məktəbdə daha bir Elina faciəsi yaşana bilər.

BAKU.WS AFN-ə istinadən xəbər verir ki, bir neçə gün əvvəl həmin məktəbdə böyük qalmaqal yaşanıb.

Mənbənin bildirdiyinə görə, 8-ci sinif şagirdi (adları açıqlanmır-red.) olan oğlanlar sinifə spirtli içki və prezervativ gətirib:

“Oğlanlardan biri içkidən içib prezervativi qızlara göstərib. Bir nəfər qızı isə ağır formada təhqir edib, “sən əxlaqsızsan, get Elina kimi özünü pəncərədən at öldür” deyib.

Söhbət valideynlərə çatıb və valideynlər məktəbə gələrək bir-biri ilə dava ediblər. Davada 4 valideyn iştirak edib. Məsələ hüquq-mühafizə orqanlarına qədər gedib çıxıb, hazırda iş məhkəmədədir. Hadisədən sonra direktor Tural Mirzəliyev həmin sinif otağına videokamera qoydurub”.

Mənbəmiz iddia edir ki, hadisə ilə bağlı məlumat Təhsil Nazirliyinə də məlumdur: “Nazilikdən bununla bağlı məktəbə xüsusi komissiya göndərilib, araşdırma aparılıb”.

175 saylı orta məktəbin direktoru T.Mirzəliyev xəbərin tamamilə yanlış olduğunu bildirib.
BAKU.WS