055 213 76 73
Məscidlərdə çalışan din xadimləri gələn ilin fevral ayından maaş ala bilərlər.
BAKU.WS trend-ə istinadla xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.
O qeyd edib ki, gələn ildən Mənəvi Dəyərlərin Təbliği Fondu vasitəsilə məscidlərdə çalışan din xadimləri rəsmi şəkildə əməkhaqqı alacaqlar:
"Əməkhaqqının məbləği və kimlərə verilməsi məsələsi müzakirə olunur. Əsas odur ki, Qafqaz Müsəlmanları İdarəsi tərəfindən məscidlərə təyin olunmuş imamlar, imam naiblər və bu kimi vəzifə daşıyan digər şəxslər həmin idarənin təqdimatı ilə əməkhaqqı alacaqlar. Əməkhaqqının verilməsinin çox böyük ictimai-siyasi əhəmiyyəti var".
M.Qurbanlı bildirib ki, bu günlərdə Mənəvi Dəyərlərin Təbliği Fondunun Himayəçilər Şurasının direktor və heyəti açıqlanacaq.
BAKU.WS