6 aylıq Ayan dünyaya gələndən təxminən 10 gün sonra ağır xəstəliyə tutulub.
BAKU.WS-in məlumatına görə, həkimlər Ayanın xəstəliyi ilə bağlı düzgün diaqnoz qoya bilmirlər.
Körpənin anası Günel xanım deyir ki, uşaq dünyaya gələrkən belə problem olmayıb.
“Yanaqlarında sadəcə qırmızı səpgilər var idi. 2 saylı doğum evində 3 gün antibiotik vurulub. Evə gətiriləndən sonra 1 həftə - 10 gündən sonra dərisində qabıqlanma baş verib. Hər dəfə həkimə aparanda uşağın vəziyyəti daha da pisləşirdi”, - deyə ana qeyd edib.
Günel xanımın sözlərinə görə, dermatoloqlar biopsi analizlərinə ehtiyacın olmadığını bildiriblər. Bəzi həkimlər ixtioz dəri xəstəliyi diaqnozu qoyublar.
Ana deyir ki, bu xəstəliyin əlamətləri uşaqda yoxdur: “Biz antibiotiklərin vurulmasından şübhələnirik. Uşağın qarın nahiyəsindən ətinin bir hissəsini kəsib Türkiyəyə analizə göndərdik. Cavab 4 həftəyə gələcək”, - deyə ana bildirib.
Ailənin maddi vəziyyəti o qədər də ürəkaçan deyil. Balaca Ayanın müalicəsi üçün ailənin pula ehtiyacı var.
Ayanın həyatda qalması üçün maddi kömək etmək istəyənlər aşağıdakı bank hesabından yararlana bilər.
Bank Respublika: 380194402358317101 (Elməddin Elxan oğlu Həsənov - uşağın atası)
Şəxsiyyət vəsiqəsi: AZE 13433708
Elxan Həsənovun telefon nömrəsi: +99455 782 38 78
BAKU.WS