Şengen vizasını almağın qaydaları həmin ölkələrə getmək istəyən hər bir turist üçün maraqlıdır.
 
Turizm.fins.az Şengen ölkələrinə viza almaq qaydalarını təqdim edir.

Bunun üçün ilk növbədə getmək istədiyiniz ölkənin səfirliyində online növbə tutmaq lazımdır. Ölkəmizdə səfirliyi olan Şengen ölkələrindən yalnız Avstriya səfirliyində online qeydiyyat yoxdur. Qeyd edək ki, online qeydiyat zamanı şəxsin sənədlərini  təqdim edəcəyi vaxt təyin olunur.
 
Sənədlər

 Almaniya səfirliyi istisna olmaqla digər Şengen ölkələrinə sənəd şəkli təqdim edərkən biometrik şəkil (3,5 x 4,5 sm) ağ  fonda olmalıdır. Yalnız Almaniya səfirliyinə təqdim olunan şəkil boz fonda olmalıdır. Qeyd edək ki, şəxsin pasportu viza    müddəti bitdikdən sonra ən azı 3 ay etibarlı olmalıdır.
- Şəxsiyyət vəsiqəsinin surəti
- Əgər köhnə pasport varsa, onların nüsxəsi
- Sosial vəziyyəti göstərən sənədlər
- İşlədiyiniz şirkətin rəsmi blankında maaş, vəzifə göstərilməklə arayış təqdim olunmalıdır. Bundan başqa bank  hesabdaki mebleg haqqinda arayish tələb olunur.
- Son 3 ayda bankdan çıxarış
- Qalacağınız günün sayından asılı olaraq hesabınızda hər günə görə ən azı 100 avro olmalıdır.
- 18 yaşa qədər olan uşaqların doğum haqqında şəhadətnaməsi
- Əgər azyaşlı kiminsə qəyyumluğundadırsa həmin şəxsin icazəsi olmalıdır. Bundan başqa əgər uşaq valideynlərdən biri ilə xaricə gedirsə, digər valideyn ata və ya ana uşağın xaricə getməsinə icazə verməlidir.
- Tələbələr və şagirdlər üçün oxuduğu tədris ocağından arayış
- Otel bron edilməli və oteldən verilən rəsmi sənəd təqdim edilməlidir
- Səyahət sığortası
- Təyyarə biletinin bron edilməsi
- Xaricə getmək istəyən şəxsin adında əgər daşınmaz əmlak varsa, həmin əmlakın sənədləri təqdim olunmalıdır. Amma bu sənəd vacib sənədlər sırasına daxil deyil, yəni təqdim edilməsədə olar.

Qiymətlər

Qeyd edək ki, Şengen vizasının rüsumu 35 avrodur. Turizm.az şirkətinin baş tur meneceri Ülfanə Mahmudova Şengen vizası almaq üçün Avropa ölkələrinin Azərbaycanda səfirliklərindən başqa  xususi viza merkezleri fəaliyyət göstərir.  Amma bu cür xidmətlər pulludur. Əgər  bu xidmətlərdən istifadə etsəz o zaman 10-30 avro miqdarında əlavə ödəniş  etməli olacaqsız.

Ü.Mahmudovanın sözlərinə görə, Almaniya, Latviya, Litva, Polşa və s ölkələrin viza qeydiyyatı xidməti pulsuzdur. Çexiya və Macarıstanda  viza sənədlərinin doldurulması isə səfirliyin özündə pulsuz, viza xidmətləri yerlərində isə pulludur.

Bundan başqa, səfirliklərə təqdim olunan sənədlər İngilis dilində və notarial qaydada təsdiq edilməlidir. Yalnız Almaniya səfirliyinə sənədləri Azərbaycan dilində də təqdim etmək olar. Bundan başqa Çexiya və Latviya səfirliklərinə sənədləri Rus və İngilis dilində təqdim etmək olar.

Ü.Mahmudova deyib ki,  Şengen vizası verilərkən əksər Avropa ölkələri interval müddəti verirlər. Yəni, əgər 15 –i tarixdə artıq getmək istədiyiniz ölkəyə yola düşməliydizsə, amma bunu edə bilməyibsizsə, onda növbəti gündə bunu edə bilərsiz. Lakin təkcə Macarıstan səfirliyi səfərə hazırlaşanlara interval müddəti vermir. Yəni, göstərilən tarixdə mütləqdi ki, yola düşməlisiz. 
 
BAKU.WS


TƏCİLİ KREDİT SİFARİŞLƏRİ