055 213 76 73
Ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovla birgə həbs edilən keçmiş şöbə rəisinin müavini Orxan Osmanovun kassasiya şikayətinə baxılıb.
BAKU.WS apa-ya istinadən xəbər verir ki, Ali Məhkəmədə İlkin Rəcəbovun sədrliyi ilə keçirilən prosesdə qərar qəbul edilib.Qərara əsasən, Orxan Osmanovun kassasiya şikayəti təmin edilməyib.
Qeyd edək ki, Akif Çovdarov, MTN-in Energetika və Nəqliyyat Sahələrində Təhlükəsizlik Baş İdarəsinin sabiq əməkdaşı, polkovnik Səlim Məmmədov, nazirliyin sabiq idarə rəisi, mayor Akif Əliyev, şöbə rəisinin müavini olmuş kapitan Orxan Osmanov 2015-ci ildə həbs olunublar.
Bakı Hərbi Məhkəməsinin hökmü ilə Akif Çovdarov 12, Səlim Məmmədov 11, Akif Əliyev 5, Orxan Osmanov 4 il müddətinə azadlıqdan məhrum olunub.
Daha sonra Akif Çovdarov və Səlim Məmmədovun Əfv sərəncamları ilə azadlığa çıxıb. Akif Əliyev və Orxan Osmanovun isə cəza müddətləri başa çatdığından azadlığa buraxılıblar.