055 213 76 73
ARB TV-nin “Ona qalsa” verilişinin növbəti qonağı əməkdar artist Cabir Abdullayev olub.
Müğənni səsinin batmasından və həmin zamanlarda çətin günlər keçirməsindən söhbət açıb:
“Evin sonbeşiyi olmuşam. “Qarabağ bülbülləri” ansamblında oxuyurdum. O məktəbi keçməyən Ağdam ifaçısı, mənə elə gəlir ki, olmayıb. Uşaqlıqdan bu aləmə daxil oldum. Qeyri-adi səsim var idi. Adicə toy şənliklərinə gedəndə uşaq idim deyə məni qucaqlarında aparardılar.
Günlərin bir günündə məclislərin birində oxuduğum yerdə səsim dolaşdı. Üstündən 1 həftə keçdi səsim başqa tembrdə oldu, sonradan isə təmiz batdı. Adi insalar kimi oxumağa səsim olmadı.
Mən o zaman zərbə aldım. 14-15 yaşım olardı. O vaxtlar 5 nəfərdən birinin səsi var idi. Həmin vaxtlarda mağarın girəcəyinə söykənirdim. Mağara dəvət etmirdilər, oxumaq qalsın bir yana. O qədər olub ki, orda ağlamışam. Evə gəlib, səhərə qədər ağlamışam”.